1. EXT. SA LOOB NG UNIBERSIDAD. DAY
Mataas ang araw. Naglalakad si Sid Lucero sa unibersidad. Mayroon lamang dalang isang notebook sa kanyang isang kamay. Maingay ang mga tao sa paligid. Tila ang lahat ay may kanya-kanyang pinagkakabalahan habang ang iba nama'y nakikipagkwentuhan sa kanilang mga kasama.
Pawis-na pawis at nagmamadali, umakyat si siya ng gusali patungo sa kanyang klase. Sa hagdan ay mayroon pa ring mga nakakalat na kapwa mga estudyante. Ang ilang ay nagmamadali rin, gaya niya.
Napadaan sa isang Bulleting Board, nakita nya ang lalagyan ng application forms. Intensyunal na kumuha ng isa at tumuloy sa kanyang klase.
Sumilip sa loob ng classroom. Kinakabahan, dahan-dahan siyang pumasok.
Biology room ang kanyang classroom. May mga modelo ng katawan ng tao at ang mga mesa ay kwadrado, tag-iisa ang bawat isang estudyante. Sa harap ay may pisara.
Walang swerte, nahuli ng kanyang guro. Makapal ang buhok, maputi, nakasalamin, mataba at hindi katangkaran. Mukhang karaniwang terror na guro. Malakas at matinis ang boses nito. Sinita siya at tinanong kung ano ang kanyang dahilan sa pagiging huli sa klase. Sumagot ito ngunit bumulyaw naman agad ang guro. galit ang matabang mukha, tumawag pa ng ilang mga estudyante at tinanong kung saan nakatira ang mga ito. Sumagot naman nang matinong-matino ang mga pinatayo.
Umupo na si Sid Lucero ngunit hindi pa rin natitigil sa pagsasalita ang guro. Wala sa guro ang kanyang atensyon. Nakapatong ang kamay sa desk at nakatungo, nasa application form na kinuha nya kanina ang kanyang isip, mata at kamay. Application form ng AKO. Maraming tumatakbo sa kanyang isip. Buo ang kanyang loob na sumali sa fraternity na ito.
